Bilboko egoitza

Bilbo, egoitza administratiboa

Gernikako Batzar Etxea Bizkaiko Batzar Nagusien egoitza ofiziala da eta bertan egiten dira Osoko Batzarrak. Horrezaz ganera, eguneroko gauzak egiteko administrazino-egoitza barria dauke Batzar Nagusiek Bilbon, Hurtado de Amezaga kaleko 6.ean.

Hortxe egiten dira Batzordeen batzarrak eta Batzarkide-Taldeenak, baita Osoko Batzarrak prestatzeagaz lotutako eginbide guztiak be.

Era berean, erakusketa-aretoa eta hitzalditarako beste areto bat be badagoz Bilboko egoitzan, Bizkaiko edozein giza-talderen eskura.

Bilboko Egoitza

HELBIDEA

Hurtado de Amézaga, 6 48008 Bilbao, Bizkaia


ORDUTEGIAK

Astelehenetik ostiralera 08:00etatik 20:00etara


TELEFONOA

94 406 67 00

BATZORDE-ARETOA

BATZORDE-ARETOA

Bilboko administrazino-egoitzan, azken solairuan, Batzar Nagusietako batzorde arruntak eta bereziak egiten dira. Batzordeok interes-arloetan banatuta dagoz. Aretoaren leku gailenean erakundearen armarria eta Jorge Oteiza eskultorearen “Gernikako Zuhaitza eta Batzar-Etxea” izeneko brontzezko eskulturea dagoz.

ERAKUSKETA-GELA ETA EKITALDIEN ARETOA

ERAKUSKETA-GELA ETA EKITALDIEN ARETOA

Eraikinaren sarreran areto txiki bi dagoz: Erakusketa Aretoa eta Ekitaldi Aretoa. Erakusketa-aretoan urte osoan aldi baterako erakusketak egiten dira; EHUko ikasleen eta hainbat gizarte-kolektiboren erakusketak ikusi leitekez bertan. Sarrerea doakoa da eta jendearentzat zabalik egoten da astelehenetik barikura, 08:00etatik 20:00etara. Aurrez aurre dago Ekitaldi Aretoa edo Hitzaldi Aretoa, zeina Bizkaiko hainbat gizataldek erabilten daben bilerak eta hitzaldiak egiteko.