ENKARTERRIETAKO MUSEOAK IBILBIDE KULTURALA ANTOLATU DAU ABELLANEDAN, BERTAKO ONDARE ABERATSA EZAGUTZEKO

• Museoen Nazinoarteko Eguna dala-ta, Bizkaiko Batzar Nagusietako zentro kulturalak Abellanedako ingurumena, historia eta ondarea oinez ezagutzeko ibilbide gidatu zirkularraren bigarren edizinoa aurkeztu dau.
   
• Jesús Pablo Domínguez “Triksel” etnografoak emongo dauz azalpenak.
   
• Jarduerea doakoa izango da, eta, bertan parte hartzeko, aldez aurretik erreserbau beharko da hemen: www.enkarterrimuseoa.eus.

(Abellanedan, 2024ko apirilaren 30ean). Enkarterrietako Museoak ibilbide kulturala diseinau dau maiatzaren 14rako. Museotik bertatik urten eta bertara itzuliko da, eta Enkarterriko bazter honek ostentzen dauen ondare kultural aberatsa ezagutzea dauka helburu. Doako jarduera honetan parte hartzeko, aldez aurretik emon beharko da izena museoaren webgunean bertan.

Museoen Nazinoarteko Eguna dala-ta Enkarterrietako Museoak asmautako Abellaneda-Bezi-Abellaneda ibilbideak museotik bertatik urtengo dau, eta Abellanedako auzo hurbilerantz abiauko da, XVI. mendekoak diran antxinako San Bartolome eleizea eta Urrutia Torrea ezagutzeko. 

Ostean, martxan parte hartzen dabenak mendian barruratuko dira, Bezi auzoan amaitzen diran antxinako bideetatik. Landa-ingurune hori (Duredo, La Llana, Cañedo… herrixkak), hain zuzen be, landa-ondare nabariaz txipriztinduta dago, eta, bertan, XV. mendetik XVIII. mendera arteko baserriak dagoz han-hemenka. 

Cabezamonte Mendiko tontorretik hur, Jesús Pablo Domínguez “Triskel” etnografoak, “Crónicas a pie de fosa” Taldeko kidea eta Aranzadiko laguntzailea danak, Enkarterriko leku honetan Gerra Zibilean jazotako pasarteak berrikusiko dauz. Gero, Bezi auzoan bertan, 1958an eregitako San Kosme eta San Damian eleiza funtzionalista harrigarriaren barruko aldea ezagutzeko bisitaldia egingo da. 

Abellaneda-Bezi-Abellaneda IBILBIDE KULTURALA 

• Maiatzaren 14a, MARTITZENA 

• Urteteko ordua: 10:00

• Urteteko lekua: Enkarterrietako Museoa (Abellaneda auzoa, Sopuerta). 

• Distantzia: 10 kilometro

• Ibilbidearen iraupena, gitxi gorabehera: 3 ordu

• Zailtasuna: ertaina

• Ezinbestekoa izango da arropa eta oinetako egokiak eroatea