“EMAKUMEAK BIZKAIAN” ZIKLOAREN LEHENENGO JARDUNALDIAK EMAKUMEEK ENPRESETAKO GOI KUDEAKETAN ETA DIPLOMAZIAN IZANDAKO ESPERIENTZIAK ERAKUTSIKO DITU

 

• Aurton “Gizarte ispiluaren aurrean: Distiratsuak eta Bisibilizatuak” lemea dauen berbaldien zikloa gaur hasi da Bizkaiko Batzar Nagusien Bilboko egoitzako berbaldi aretoan (Hurtado de Amezaga kalea, 6). 
   
• Aurreikusitako lau jardunaldietatik lehenengoan honeek kontau ditue euren esperientziak: Laura Abasolo García de Baquedano (Telefónicako Finasntzen eta Kontrolaren Saileko Zuzendaria), Leire Barayazarra Díez (ARANIAko Bikaintasun Operazionalaren Kudeaketarako Sistemen Zuzendaria), Maider Makua García (Kanpo Harremanetarako Europako Zerbitzuko Zuzendaria) eta Leire Zarraga San Sebastián (Ormazabalen Erdialdeko Europarako eta Amerikarako Giza Kapitalaren Zuzendaria). 

(Bilbon, 2026ko otsailaren 3an). Euskalerriaren Adiskideen Elkartearen (EAE) Bizkaiko Batzordeak “Emakumeak Bizkaian” jardunaldien seigarren edizinoa antolatu dau Bizkaiko Batzar Nagusiakaz batera. Seigarren edizinoa beteko dauen ekitaldia Ana Otadui Biteri Bizkaiko Batzar Nagusietako Lehendakariak eta José Manuel Barandiaran García EAEko Zuzendariak gaur arratsaldean inaugurau dabe. 

“Gizarte ispiluaren aurrean: Distiratsuak eta Bisibilizatuak” izeneko edizino honen helburu nagusia emakumeek bizitza publikoaren eta profesionalaren arlo guztietan daukien presentzia ikusiarazotea da. Ibilpide nabarmeneko profesionalen berbaldien bidez belaunaldi barrientzako erreferente sendoak proiektau gura dira. Horrez gain, ekimenak Bizkaiko Batzar Nagusietako II. Bardintasun Planean jasoten diran bardintasunaren balioak indartzen ditu.

Begoña Cava Mesa historialari eta Deustuko Unibersidadeko irakasle emerituak eta EAEren adiskideak koordinautako jardunaldiak emakumeak gaur egun dituan erronkak eta aukerak aztertuko dituen lau mahai-inguru monografikotan antolatuko dira. Mahai-ingurua holan egoan osotuta: Laura Abasolo García de Baquedano (Telefónicako Finasntzen eta Kontrolaren Saileko Zuzendaria), Leire Barayazarra Díez (ARANIAko Bikaintasun Operazionalaren Kudeaketarako Sistemen Zuzendaria), Maider Makua García (Kanpo Harremanetarako Europako Zerbitzuko Zuzendaria) eta Leire Zarraga San Sebastián (Ormazabalen Erdialdeko Europarako eta Amerikarako Giza Kapitalaren Zuzendaria).

“EMAKUMEAK BIZKAIAN” JARDUNALDIEN HURRENGO EDIZINOAK 

•    Zezeilak 10: “Zientzia aurrerapenaren eragile gisa”, ikertzaileek eta katedradunek, biokimikan eta genetikan, besteak beste, daben zereginean oinarrituta.
•    Zezeilak 17: “Emakumea, hezkuntza eta balioak. Mezuak eta indarrak”. Bertan, psikologiako, literaturako eta kultur kudeaketako profesionalek hezkuntza-eragina aztertuko dabe.
•    Zezeilak 24: “Kulturaren inspirazioa. Emakumea eta eraldaketa kulturala”, jaialdietako kudeatzaileen, zinemagileen eta diziplinarteko artisten esku-hartzeagaz.

ERAKUNDE ANTOLATZAILEAK

Bizkaiko Batzar Nagusiek babesten ditue jardunaldiak, eta Emakumeen eta Gizonen Bardintasunerako II. Planean jasoten diran dibulgazino ekintzen barruan sartu ditu. Ibilbide-orri hori aurton amaituko da, eta gizarte bidezkoago eta bardintasunezkoagoaren aldeko ekimen barriakaz daborduko egiten ari dan hirugarren planari emongo deutso hasierea.

“Euskalerriaren Adiskideen Elkartearen” izenaz ezagutzen dan EAE Euskal Herriko erakunde soziokulturalik zaharrena da, 1764an sortu zan espiritu erreformista eta ilustrauagaz. XXI. mendean, erakundeak egungo dinamika sozialei erantzuteko konpromisoari eusten deutso, Bizkaiko bizi-baldintzak eta portaera sozialak hobetzeko beharrezkoak diran eraldaketei buruzko hausnarketea sustatuz.