Aurreko Albisteak

Batzar Nagusien Osokoak 2015erako aurrekontuak dirala-ta EH Bilduk aurkeztu dauen osotasunezko zuzenketa-eskeaz eztabaidatuko dau martitzenean, abenduaren 9an.

Gernika

Bizkaiko Batzar Nagusietako Osokoak datorren martitzenean, abenduaren 9an, izango dauen batzarrean eztabaidatu eta bozkatu egingo dau 2015erako aurrekontuak dirala-ta EH Bilduk aurkeztu dauen osotasunezko zuzenketa-eskea. Osokoa Gernikako batzarretxean izango da, 9:30etan hasita; zuzenean ikusi leiteke Batzar Nagusien web-gunearen bitartez.

Batzar horretako lehenengo aztergaia batzarkide barri bati dei egitea izango da; hain zuzen be Dulcina Pereiro Besteiro andreak Mikel Torres Lorenzo batzarkide ohia ordezkatzen dau. Pereiro andreak abenduaren 3an jaso eban Alkartezintasunetarako Batzordearen onespena eta, beraz, ez dauka eragozpenik batzarkide izateko. Izendapen horregaz, bada, Batzar Nagusiak genero-bardintasunetik hurrago dagoz, daborduko 24 emakumezko eta 27 gizonezko diralako.

Osoko Batzar horren ostean, aurrekontuei egindako osotasunezko zuzenketa-eskea onartzen ez bada, hurrengo pausoa izango da zatizko zuzenketa-eskeak Batzordean eztabaidatzea. Bizkaiko aurrekontuak onartzeko azken pausoa abenduaren azkenaldean izango dan Osoko Batzarrean emongo da, non eztabaidagai izango diran Ekonomia eta Ogasuneko Batzordeko bilerak eta gero Osokoan eztabaidatzeko gordetako zatizko zuzenketa-eskeak.

Lotutako artxiboak: