Aurreko Albisteak

BIZKAIKO BATZAR NAGUSIEK EUSKARALDIKO BERTAKO LAU "ARIGUNEAK" AKTIBAUKO DITUE GAURTIK AURRERA

  • Batzarretan ordezkaritza daukien alderdi politiko guztietako hainbat batzarkidek eta Bilbo, Gernika eta Abellanedako beharginek parte hartuko dabe Euskaraldian 4 ariguneren bitartez.

(Bilbon, 2020ko azaroaren 20an) Bizkaiko Batzar Nagusiek babesa emon deutsie euskerea bultzatzeko gaurtik, azaroaren 20tik, abenduaren 4ra egitekoa dan ekimenari, erakundearen barruan egongo diran 4 “ariguneak” martxan jarriz: Bilboko administrazino egoitza, Gernikako Batzar Etxea, Abellanedako Batzar Etxea Enkarterrietako Museoaren ondoan, eta Bizkaiko Batzar Nagusietako kide diran alderdi politikoetako batzarkideak egoten diran lekua. Lau “arigune” horreek euskaraz jardungo dabe % 100ean, Bizkaiko Batzar Nagusiak osatzen dituen beharginen eta politikarien (guztira, 70 persona baino gehiago) inplikazinoari esker.

Urriko azkenengo osokoa amaitu zanean, Osoko Batzarra amaitzean, Ana Otaudi Biteri Batzar Nagusietako Lehendakariak, Unai Rementeria Maiz Bizkaiko Ahaldun Nagusiak eta ganerako batzarkideek euren parte hartzea iragarri eben Gernikako Batzar Etxean, euskerearen aldeko ekimen horregaz bat eginez, eta 'Gehiago, gehiagorekin, gehiagotan' goiburua eukiko dauen bigarren edizino honetan parte hartzera animau ebezan.

Bizkaiko Batzar Nagusiek herritarrak animau gura ditue, Ahobizi edo Belarriprest moduan, euskeraz bizitzera eta hizkuntzaren inguruko ohiturak aldatzera, euskerea geure inguruan normalizetako.

Aurton Euskaraldiaren bigarren edizinoa egingo da. Helburu nagusia euskerea ulertzen dabenen artean euskerearen erabilerea handitzea da, gizarteko eremu guztietara zabalduz, eta herritarren artean hizkuntzaren inguruko ohiturak aldatzea, euskerea gehiago erabiliz, bai beharrean, bai eguneroko ganerako jarduera guztietan.