Aurreko Albisteak

Barbadun ibaiaren arroan kokatutako burdinola, errota eta torretxeetan zeharko ibilaldi kulturala

Ibilaldi kulturala

ilbon, 2013ko azaroaren 4an.

Domeka honetarako, azaroaren 10erako, Enkarterrietako Museoak eta Bizkaiko Batzar Nagusiek “Barbadun ibaiaren arroan kokatutako burdinola, errota eta torretxeetan zeharko ibilaldiaren IV. Edizinoa” antolatu dabe. Kultur ibilbide horren bitartez, Enkarterriaren industria-ondare aberats eta ugariaren barri emon gura da. Ibilaldia goizeko 9:00etan hasiko da Muskizeko San Juan enparantzan, eta eguerdiko 14:00 aldera amaituko da Sopuertako Abellanedako Museoan, azken bost mendeetako lantegi eta eraikinen aztarnen artetik zeharko 24 kilometroko ibilaldia eta gero.

Ibilaldia antxinako burdinolen mundura edegitako leihoa da, Barbadun arroko ibai eta erreketan han-hor-hemen egon eta oraindik orain zutik dagozan burdinolak eta bestelako ondare-aztarnak (errotak, torreak, jauregiak...) ikusiko dirala. Ibilbidea Muskiz, Galdames, Sopuerta eta Zallako udalerrietatik jonago da. Kulturearen aldetik dauen erakargarritasunaz ganera, paisaiaren aldetik dauena be gehitzen jako, ekosistema ezbardinak ikusiko diralako ibai, larre, mendi eta basoetan barrena.

Bosgarren edizino honetan ibilbidea ez da igazkoa bera izango. Muskizetik abiatuta barriro be, eta Barbadun ibaiaren parean doan antxinako bidetik joanda, ibilbideak mendirantz egingo dau burdinoletarako antxinako bideetatik; Loizaga torrearen eta ermitearen ondotik igaro ondoren, Galdames eta Sopuertao ibai eta mendiak zeharkatuko dira Abellanedara heltzeko. Ibilbidean zehar indarbarritzeko jan-edanetarako bi leku prestatu ditue antolatzaileek; doan izango dira. Bidezko merkataritzako motxila bana izango dabe opari parte hartzaileek.


DESGAITASUNDUNENTZAKO IBILBIDEA

Museoak eta Gorabide alkarteak proiektu inklusiboa garatzen dabe alkarlanean, desgaitasundunek be Museoaren ekintzetan parte hartu dagien. Horren ildotik, bada, ibilbidearen zati bat, El Pobal eta Valdivian (Galdames) artekoa hain zuzen, desgaitasundunakaz lan egiten dauen alkarte horretako kideek egingo dabe eta. Era berean, indarbarritzeko jan-edanetarako prestatutako leku biak Gorabideko lagunen ardurapean egongo dira. Ibilaldia doan da eta nahikoa da www.enkarterrimuseoa.eus helbidera idatzita edo 94 650 44 88 eta 94 610 48 15 telefonoetara deituta izena aurretiz emotea.


ZENBAIT DATU

· Urten: 9:00etan San Juan enparantzatik (Muskiz)
· Heldu: 14:00etarako Enkarterrietako Museora (Sopuerta)
· Izena aurrez emotea (doan) www.enkarterrimuseoa.eus helbidean (gehienez 500 pertsona); ibilaldiaren egun berean 08:15etatik aurrera.
· 24 kilometroko ibilbidea; jan-edateko leku bi. Dana amaitzen danean, Muskizera itzultzeko doako autobus zerbitzua izango da.
· Izena emoteko azken eguna azaroaren 8a (barikua) izango da, arratsaldeko 18:00etan, eta lekua balego, ibilaldiaren egun berean, azaroaren 10ean (domekan) 8:15etatik 9:00ak arte.