Aurreko Albisteak

Isaac Fernándezek Tontxu Rodríguez ordezkatuko dau eguaztenean batzarkide sozialista lez, Batzar Nagusietan

Isaac Fernández

Isaac Fernández

Bilbon, 2013ko zezeilaren 25ean

Aurreikusitakoaren arabera, Isaac Fernández bihurtuko da, eguazten honetan, Tontxu Rodríguezen ordezko Bizkaiko Batzar Nagusietan, goizeko 9:00etatik aurrera Gernikako Batzarretxean egingo dan ohiko batzarrean. Bizkaiko Ganberaren Bateraezintasun Batzordeak ontzat emon dau gaur goizean Balmasedako Udaleko PSE-EEko zinegotzia eguazten honetan, zezeilaren 27an, Bizkaiko parlamentuko batzarkide barria izatea.

Alderdi sozialistan aldaketea egiteko prozesua zezeilaren 1ean hasi zan, Barakaldoko alkate Tontxu Rodríguezek Bizkaiko Batzar Nagusietan eban batzarkide karguari uko egin ostean. Egun batzuk geroago, Barakaldoko zinegotzia senatari autonomiko izendatu eben, Gorteetako Senatuan.

Fernándezen eskaerak hainbat lege-izapide bete dauz. Jagokon Bizkaiko ganberako mahaiaren analisiaren ondoren, Fernándezen hautagaitza Hauteskunde Batzorde Nagusiari igorri jakon, eta Bizkaiko Ganberara itzuli da, gaur, Bizkaiko parlamentuko Bateraezintasun Batzordeak ontzat emon daian irizpena. Prozedurea izendapena batzarrean onartzen danean amaituko da.

Isaac Fernández Berges Balmasedako Udaleko zinegotzi sozialista da gaur egun. Batzar Nagusietako batzarkidea izan zan azken bi legegintzaldietan. 2005. urtean sartu zan Bizkaiko Ganberan, José Antonio Pastorren ordezko lez. 2007ko urriaren eta 2011ko martiaren artean, Nekazaritza eta Ingurumen Batzordearen presidentetza euki eban.

Fernándezek 49 urte daukaz, eta zazpigarren postuan egon zan PSE-EE alderdiaren Enkarterriko barrutian. Ezkonduta dago eta bi seme-alaba daukaz, eta Ingurumen teknikari lez behar egiten dau Bilboko Udalean.

PSE-EEk 9 eserleku daukaz Bizkaiko Batzar Nagusiak osotzen dabezan 51etatik, eta Isaac Fernándezek bat egingo dau Iñaki Egaña –bozeramailea-, Mikel Torres, Begoña Gil, Alexia Castelo, Joaquín Colmenero, Juan Otermin, Leire Cabado eta Janire Galarragagaz.