LGTBI pertsonak defendiduten dituan Afrikako GKE baten bisitea
Ana Otadui, Joseba Gezuraga eta gonbidatuak
Mughisa eta Bakourairaren iritsiera
Ana Otadui, Joseba Gezuraga eta GKEen kideak
Gezuraga, Diane S. Bakouraira eta Ana Otadui
Dantzarien txanda
Dantzarien amaiera
Gonditauak eta Ana Otadui Batzar Nagusian
Gonditauak Batzar Nagusian
Frank Mughisa, Ana Otadui eta Diane Bakouraira
Diane Bakourairaren sinadura Ohorezko Liburuan
Frank C. Mughisaren sinadura Ohorezko Liburuan
Bizkaiko Batzar Nagusia
Bizkaiko Batzar Nagusia
Ana Otadui Bizkaiko Batzar Nagusietako presidenteak eta Joseba Gezuragak, presidenteordea, “Sexual Minorities Uganda” (SMUG) GKEko ordezkari biren bisitea jaso dau gaur Gernikan. Afrikako hainbat herrialdetan LGTBI pertsonen eskubideak defendiduten dituan GKEa da. Erakundea ordezkatzen daben Frank C. Mughisak eta Diane S. Bakourairak Batzarretxeko txokoak bisitau ditue, eta bertako Ohorezko Liburuan sinatu dabe.
“Sexual Minorities Uganda” erakundeak, Eusko Jaurlaritzako Giza Eskubide, Bizikidetza eta Lankidetza Zuzendaritzak urtero emoten dauen Giza Eskubideen René Cassin 2017 Saria jaso dau Urkullu Lehendakariaren eskutik. Oraingo honetan, sariak, LGTBI komunidadeak Afrikako herrialde batzuetan jasaten dauen egoerearen salaketea saritu dau. Erakundeak gune segurua eskintzen deutse LGTBI pertsonei, ahalduntze afektiboagaz eta nortasunekoagaz erlazionautako ekimenak sustetan ditu, sexu transmisinoko gaixotasunen gaineko aholkuak emoten ditu eta komunikabideen eta gizarte arloko salaketaren arloetan egiten dau behar.
Victor Mukasa aktibista transgeneroak 2004an sortu eban “Sexual Minorities Uganda” GKEa, hainbat motatako 18 erakundek osatzen dabe, eta lesbianen, gayen, bisexualen, transgeneroen eta intersexualen aintzatespenaren, duintasunaren, errespetuaren eta eskubideen alde burrukatzen da. René Cassin 2017 sarirako SMUG proponidu dauen erakundea, Euskadin helburu horreek berberak bultzatzen dituan “Ortzadar LGTB” izan da. Erakunde horretako kideak be egon dira erakunde afrikarreko kideakaz Batzarretxera egindako bisitan.
