GABONETAKO JARDUERAK FAMILIAN ENKARTERRIETAKO MUSEOAN

• Museoko beharginek Enkarterriko eskualdean erromanizazinoa zelakoa izan zan azaltzeko tailer bi diseinau ditue abenduaren 28rako eta urtarrilaren 4rako.
   
• www.enkarterrimuseoa.eus webgunean izena emoten dabenek esperimentazinoaren bidez ezagutu ahal izango ditue erromatarren garaiko eraikuntza-teknikak.

(Abellanedan, 2023ko abenduaren 11n). Bizkaiko Batzar Nagusien esku dagoan Enkarterrietako Museoak familientzako jarduera didaktikoak eskeiniko ditu Gabonetarako. Gabonetako Zorionem programearen edizino honetan, Enkarterriko museora hurreratzen diran familiek modu esperimental eta atseginean ezagutu ahal izango ditue Enkarterriko erromanizazinoaren sekretuak. 

Normalean ikastetxeetara mugatzen dan Erromanizazinoari buruzko tailerra familiek be gozau ahal izango dabe. Horretarako, abenduaren 28an eta urtarrilaren 4an museoak familiei eskeiniko deutse bere Gabonetako jardunaldia, umeek, helduakaz batera, eskuz egindako ikaskuntzaren bidez gozau deien.

Aldez aurretik museoaren webgunean (www.enkarterrimuseoa.eus) izena emoten dabenek erromatarren garaira bidaiatu ahal izango dabe. Modu erakargarri eta esperimentalean ezagutuko ditue zibilizazino haretako elementu nabarmenenak, esperimentazinoaren bidez teknologia hidraulikora, arkitekturara eta mekanikaren sekretuetara gerturatuz.

Arkuak egiteko edo palankak, poleak eta Arkimedesen torlojuak manipuletako lekua egongo da. Elementu horreek ezinbestekoak ziran garai klasikoko eraikuntza-lanak egiteko, eta indarrean jarraitzen dabe. Museoko beharginek lagunduta, izena emoten dabenek printzipio klasikoetan oinarritutako tramankuluak sortuko ditue eta, batez be, kultura erromatarraren elementu adierazgarrienak modu didaktikoan ezagutuko ditue.

ERROMANIZAZINO TAILERRA

Jarduera dobakoa da eta 8 eta 12 urte bitarteko umeei dago zuzenduta, helduek lagunduta.

Abenduaren 28an eta urtarrilaren 4an

Ordutegia: 11:00etatik 12:30era.

Hizkuntza: euskerea

Dobako jarduera horretan parte hartzeko beharrezkoa da aldez aurretik izena emotea museoaren www.enkarterrimuseoa.eus webgunean edo 94 650 44 88 telefono-zenbakian.